സാന്ത്വനിപ്പിക്കാന്‍ വാക്കുകള്‍ ഏറെ
വേദനിക്കുന്നതോ വേറൊരു ജീവന്‍
മര്‍ത്ത്യന്‍ വിരഹിക്കും ഈ ലോകത്ത്
വേദനയുടെ ഭാണ്ട കെട്ടുകള്‍ ഏറെയും...
അഴുക്കു ചാലില്‍ തള്ളി വിടുന്ന പഴകിയ
ഭക്ഷണതിനായ് കടിപിടി കൂടുന്ന
നായ കൂട്ടങ്ങളില്‍ നിന്ന് ചുളിവില്‍
തട്ടിയെടുക്കുന്നു നാടോടി മങ്ക...
ഒരു നേരത്തെ അന്നം
കരസ്ഥമാക്കിയ സന്തോഷം
ചന്ദ്ര ബിംബം പോലെ പ്രകാശിക്കുന്നു,
വറുതിയില്‍ ചുളുങ്ങിയ
ആ വ്രണിതമായ മുഖം...
അമ്മയേതെന്നു അച്ഛനേതെന്നു അറിയാതെ
അമ്മ തൊട്ടിലില്‍ അഭയം തേടി കഴിയുന്നു
ശപിക്കപെട്ട കുരുന്നു ബാല്യങ്ങള്‍...
മഞ്ഞലോഹത്തിന്‍ അതിഭ്രമം മൂത്ത ലോകത്ത്
മംഗല്യം അന്ന്യമായ സോദരിമാരുടെ രോദനങ്ങള്‍ ...
പാര്‍ടിയാപ്പീസ്സിലും തൊഴിലിടങ്ങളിലും
ബസ്‌ സ്റ്റോപ്പിലും എന്തിനേറെ സ്വന്തം വീട്ടിലും
പീടിപ്പിക്കപെടുന്നു മലയാളി മങ്കമാര്‍
തേടുന്നു അഭയം റയില്‍വേ പാളത്തില്‍ ...
അമ്മയേതെന്നു മക്കളേതെന്നു തരംതിരിവില്ലാതെ
പ്രാപിക്കുന്നു മനുഷ്യ ഭ്രാന്തന്മാര്‍ ....
എന്നിട്ടും എന്റെ കേരളമേ
നീ എത്ര സുന്ദരം ?
ദൈവത്തിന്റെ സ്വന്തം നാടെ!!!
