വേദന

ആർത്തിരമ്പുന്ന കടൽ
എൻ ഹൃദയത്തെ
വല്ലാതെ നോവിക്കുന്നു.

അത്
തീവ്രമായ ഒരു കടന്നു
കയറ്റമായി ഞാനനുഭവിക്കുന്നു.

അവ
പരിശുദ്ധ പാത പിന്തുടരുന്ന
എന്നിൽ കനൽ വഴി ഒരുക്കുന്നു.

എന്നിൽ നില നില്ക്കുന്ന വിശ്വാസത്തെ
ആരോ ചവിട്ടിമെതിക്കുന്നു.

എന്നിലെ സ്നേഹം
എന്നിലെ പ്രണയം
എല്ലാം ഒരു ചോദ്യമായ് നില്ക്കുന്നു.

എന്റെ ആകുലതകൾ ,
എന്റെ ജീവിത സുഖത്തിന്റെ
നഷ്ടപെടൽ മാത്രമായ് തുടരുന്നു.

അതെല്ലാം എന്റെ ദുഃഖമായ് ,
എന്റെ വേദനയായ് പിൻ തുടരുമ്പോഴും
പലതും മൌനമായ് നില്ക്കുന്നു?