ഒന്ന് തലോടനായി കൊതിക്കുന്നു,
കളകളാരവം പൊഴിക്കും പുഴകളില്‍
നീന്തി തുടിക്കുവാന്‍ മോഹം,
മധുര സംഗീതത്തില്‍ തോരാതെ പെയ്യുന്ന
മഴയെ പുണരുവാന്‍ ആര്‍ത്തി !!!
ഇല്ല ഞാനില്ല -
കാലം മായ്ക്കാതെ
ആ ഞെട്ടല്‍ എന്നെ പിന്തുടരുന്നു
അന്നത്തെ തോരാത്ത മഴ,
ഇടിമിന്നലിന്റെ സംഹാര താണ്ടവം,
സുന്ദരി പശുവിന്റെ ദീനരോദനം,
നടുക്കുന്നു ആ പിശാചിന്റെ ഭീകര രൂപം,
കട വരാന്തയില്‍ അലറിവിളിക്കും
അര്‍ദ്ധ നഗ്നയാം നാടോടി പെണ്‍കൊടി ?
ദൈവത്തിന്റെ സ്വന്തം നാട്ടില്‍
ദൈവത്തിന്റെ സന്തതികളെ,
പച്ച മംസതിന്നായി
കഴുകന്മാര്‍ പിച്ചി ചീന്തി,
സഹ്യന്റെ മാറില്‍ ഭീതി വിതച്ചു
കേരളം വളരുന്നു, കേരളം വരളുന്നു?
No comments:
Post a Comment