പ്രതീക്ഷയോടെ കാണുന്ന എമെര്ജിംഗ് കേരള-നളിനാക്ഷന്‍ ഇരട്ടപ്പുഴ

പ്രതീക്ഷയോടെ കാണുന്ന എമെര്ജിംഗ് കേരള-
നളിനാക്ഷന്‍ ഇരട്ടപ്പുഴ




കേരളം വളരെയധികം പ്രതീക്ഷയോടെ കാണുന്ന എമെര്ജിംഗ് കേരള എന്ന നിക്ഷേപക സംഗമ പരിപാടിയെ അടിസ്ഥാന രഹിതമായ വിവാദങ്ങളു ണ്ടാക്കി പിന്നോട്ടടിപ്പിക്കുന്ന സമീപനം വികസനത്തിന് വേണ്ടി കാത്തിരിക്കുന്ന ജനതയോടുള്ള വെല്ലു വിളിയാണ്. കേരളത്തെ മുന്നോട്ടു നയിക്കാനുള്ള ആശയങ്ങളും പദ്ധതികളുമാണ് ഇവിടെ മുന്നോട്ടു വെക്കുന്നത്. മാത്രവുമല്ല കേരളത്തിലെ നിക്ഷേപ സാധ്യതകളും അവസരങ്ങളും സംസ്ഥാനത്തിന് പുറത്തുള്ളവരെ ബോധ്യപ്പെടുത്തുകയുമാണ് എമെര്ജിംഗ് കേരള കൊണ്ട് ലക്ഷ്യമിടുന്നത്.

ഉമ്മന്ചാണ്ടി സര്ക്കാരിന്റെ വികസന പദ്ധതികളെ വിവാദത്തില്പ്പെടുത്തി നിശ്ചലമാക്കാനുള്ള ശ്രമങ്ങളാണ് ഇപ്പോള് ആരംഭിച്ചിരിക്കുന്നത്. പരിസ്ഥിതി സംരക്ഷണത്തിന്റെ അവകാശികള് തങ്ങള് മാത്രണെന്ന മട്ടിലുള്ള ഒരു പിന്തിരിപ്പന് സമീപനമാണ് ഇവര് പുലര്ത്തുന്നത്. വികസനം എന്നവാക്കിനു പരിസ്ഥിതി നാശം എന്ന അര്ത്ഥം കല്പ്പിച്ച് നാടിന്റെ വികസനത്തെ പിറകോട്ടടിപ്പിക്കുന്ന സമീപനത്തെ ചെറുത്തു തോല്പിക്കണം.

നാടിനും ജനങ്ങള്ക്കും ഇണങ്ങുന്ന വിധത്തില് വികസിത കേരളം കെട്ടിപ്പടുക്കാനുള്ള ചുമതലാബോധത്തോടെയുള്ള മുന്നേറ്റമാണ് ഉമ്മന്ചാണ്ടി സര്ക്കാരിന്റെ ലക്ഷ്യം. റോഡുകളും, തുറമുഖവും, തീവണ്ടിപ്പാതകളും, ടൂറിസം വികസനവും, ഐടി - സയന്സ് മേഖലകള് നല്കുന്ന സാധ്യതകളുടെ വിപുലീകരണവും, പെട്രോളിയം അനുബന്ധ വ്യവസായ മുന്നേറ്റവും, ആരോഗ്യ-വിദ്യാഭ്യാസ മേഖലകളുടെ സമഗ്രവികസനവുമെല്ലാം എമെര്ജിംഗ് കേരളയുടെ ലക്ഷ്യങ്ങളാണ്.

ജനങ്ങളുടെ പ്രതീക്ഷയ്ക്കും താല്പര്യങ്ങള്ക്കും മങ്ങലേല്ക്കാതെ തികച്ചും സുതാര്യമായ രീതിയില് നടപ്പിലാക്കുന്ന ഏത് പദ്ധതിയായാലും അതിനെ സ്വാഗതം ചെയ്യുകയാണ് വേണ്ടത് അല്ലാതെ വരട്ടു വാദങ്ങളുമായി ഇറങ്ങി തിരിച്ചിരിക്കുന്ന വികസന വിരോധികളെ തിരിച്ചറിയണമെന്ന് ഈ അവസരത്തില് ആവശ്യപെടുകയാണ്.