അധികാര ബിംബം

അധികാര ബിംബം 

          നളിനാക്ഷൻ ഇരട്ടപ്പുഴ 

രാത്രിയുടെ ഇരുളാഴങ്ങളിൽ 

അപരിചിതമായ ഭാഷയിൽ 

ഹൃദയ താളത്തിനു വേഗം 

കൂട്ടികൊണ്ടു 

ഭയാനകമായ വെളിപ്പെടുത്തലാൽ  

ഭയചികിതരാക്കുന്നു നമ്മെ.

കാട്ടാള രോദനത്തിൻ 

അതിഭീകരമായ പ്രകമ്പനവും 

അതെ തുടർന്നുള്ള നിശബ്ദതയും 

ഭീതി പരത്തി വാൾമുനയിൽ 

കുത്തി നിറുത്തുകയാണ് നമ്മെ.

ഊറ്റി ഉരുക്കി 

കരുതലായ് വെച്ചതെല്ലാം 

കടലാസ്സിൻ വില പ്രഖ്യാപിക്കുന്ന 

ദുർഭൂതങ്ങൾ.

പിശാചുക്കളേക്കാൾ പേടി 

പെടുത്തും വിധം 

പുതിയ പുതിയ 

പ്രഖ്യാപനങ്ങളെ കുറിച്ച് 

ആവലാതിയുടെ വേവലാതിയിൽ 

ഉരുകി തീരുന്ന നമ്മൾ.

ഇന്ന് 

തലയ്ക്ക് മീതെ നൂതന നിയമത്തിന്റെ 

വാളുകൾ തൂക്കി കഴുകൻ കണ്ണുമായ് 

അധികാര ബിംബങ്ങളുടെ 

നിരീക്ഷണത്തിലാണ് നമ്മൾ.

പിന്നെ പിന്നെ ഇതെല്ലം 

സ്വന്തം അസ്ഥിത്വത്തിലേക്ക് 

സ്വകാര്യത നഷ്ടപ്പെടും വിധം 

അധികാര ഭീകരതയുടെ 

കടന്നു കയറ്റമെന്നു 

തിരിച്ചറിയുന്നു നാം.