ഗള്ഫ് മലയാളിയുടെ സ്വപ്ന പദ്ധതിക്ക് ചിറകു മുളചിരിക്കുകയാണ്. കേരളത്തിന്റെ സ്വന്തം വിമാന സര്‍വ്വീസായ 'എയര്‍ കേരള' തുടങ്ങുന്നതിനുള്ള തീരുമാനം ഏത് മലയാളിക്കും അഭിമാനവും പ്രത്യേകിച്ച് ഗള്ഫ് മലയാളിക്ക് ആശ്വസവുമാണ്. പദ്ധതി യാഥാര്‍ത്ഥ്യമാക്കാനായി കാലതാമസമില്ലാതെ അതിന്റെ സാധ്യതകളും സാങ്കേതിക വശങ്ങളും പഠിക്കാന്‍ സിയാല്‍ എംഡി പി ജെ കുര്യനെ നിയമിച്ചതും വളരെ പ്രതീക്ഷയോടെയാണ് പ്രവാസിസമൂഹം നോക്കിക്കാണുന്നത്.
എയര്‍ ഇന്ത്യ പെലറ്റ് സമരവും അമിതമായ നിരക്ക് വര്‍ധനയും സാധാരണ പ്രവാസികളുടെ യാത്രാദുരിതം പതിന്മടങ്ങ് വര്‍ധിപ്പിച്ച സാഹചര്യത്തിലാണ് കേരളത്തിന്‍െറ സ്വന്തം വിമാന കമ്പനി എന്ന ആശയം വരുന്നതും, അതിന്റെ ഭാഗമായി കഴിഞ്ഞ യുഡിഎഫ് ഭരണ കാലത്ത് സിയാലും സംസ്ഥാന സര്‍ക്കാരും ചേര്‍ന്നു സ്വന്തമായ ഒരു വിമാന സര്‍വീസ് ആരംഭിക്കണമെന്ന ആശയം ഉയര്‍ന്നുവന്നതും. തുടര്‍ന്ന് 2005ല്‍ എയര്‍ കേരള ഇന്റര്‍നാഷണല്‍ സര്‍വീസ് ലിമിറ്റഡ് എന്ന പേരില്‍ കമ്പനി രജിസ്റ്റര്‍ ചെയ്യുകയും ചെയ്തിരുന്നു. എല്‍ ഡി എഫ് ഭരണം വന്നതോടെ പദ്ധതി ഉപേക്ഷിച്ച നിലയിലായിരുന്നു. എന്നാല്‍ പദ്ധതി യുഡിഎഫ് ഗവര്‍മെന്റ് വീണ്ടും അധികാരത്തില്‍ വന്നപ്പോള്‍ യാഥാര്‍ത്യമായിരിക്കയാണ്.
എയര്‍ കേരളയുടെ 26 ശതമാനം ഓഹരി കേരള സര്‍ക്കാരിനും സിയാലിനും സംസ്ഥാന പൊതുമേഖലാ സ്ഥാപനങ്ങള്‍ക്കുമാണ്. 74 ശതമാനം പൊതുജനങ്ങളില്‍ നിന്ന് സമാഹരിക്കും. പ്രവാസികള്‍ ഉള്‍പ്പെടുന്ന നിക്ഷേപകരില്‍ നിന്നായി കുറഞ്ഞ നിക്ഷേപമായി പതിനായിരം രൂപ വീതം സമാഹരിച്ചു പദ്ധതി നടപ്പാക്കുക വഴി ജനകീയ വിമാന കമ്പനി എന്ന മുഖം ലഭിക്കുകയാണ്. അതിന്റെ ഭാഗമായി ആദ്യഘട്ടത്തില്‍ 200 കോടി സമാഹരിക്കും.
ആഭ്യന്തര സര്‍വീസാണ് തുടക്കത്തില്‍ ഉണ്ടാവുകയെങ്കിലും പിന്നീട് ഗള്‍ഫിലേക്കും മറ്റും സര്‍വീസ് ആരംഭിക്കുമെന്നതിനാല്‍ എയര്‍ കേരള പദ്ധതി ഗള്ഫ് മലയാളികള്‍ക്ക് ഏറെ അനുഗ്രഹമാകും. പ്രവാസിയെ സംബന്ധിച്ച് പറയുകയാണെങ്കില്‍ മെച്ചപെട്ട സേവനവും, കുറഞ്ഞ നിരയ്ക്കും, അധിക ലഗേജും, സമയബന്ധിത സര്‍വീസുമാണ് പ്രതീക്ഷിക്കുന്നത്. എങ്കില്‍ മാത്രമേ ഈ സ്വപ്ന പദ്ധതി ശരാശരി ഗള്ഫ് മലയാളിക്ക് ഗുണകരമാവു. വര്‍ഷങ്ങളോളം നാട്ടില്‍ പോവാന്‍ കഴിയാതിരിക്കുന്നവര്‍ക്ക് പത്തു ശതമാനം ടിക്കറ്റ്‌ റിസര്‍വ് ചെയ്യുമെന്ന മുഖ്യമന്ത്രിയുടെ തീരുമാനം വളരെ സ്വഗതാര്ഹമാണ്.
അന്താരാഷ്ട്ര സര്‍വീസീനായി അനുമതി ലഭിക്കാന്‍ അഞ്ച് വര്‍ഷം ആഭ്യന്തര വിമാന സര്‍വ്വീസ് നടത്തിയിട്ടുള്ള പരിചയവും 20 വിമാനങ്ങളും സ്വന്തമായി വേണമെന്ന കേന്ദ്ര നയത്തില്‍ മാറ്റമുണ്ടാക്കിയാലേ ഇതിന്റെ പ്രയോജനം പ്രവാസികള്‍ക്ക് എത്രയും വേഗം ലഭിക്കുകയുള്ളൂ.
എന്നാല്‍ ഇതിനെ മറികടക്കാന്‍ കേരളത്തില്‍ നിന്നുള്ള എല്ലാ ജനപ്രതിധികളും മന്ത്രിമാരും കക്ഷി ഭേദമന്യേ വ്യോമയാന നിയമത്തില്‍ ഇളവു വരുത്തുന്നതില്‍ സമ്മര്‍ദം ചൊല്ത്തിയാല്‍ മാത്രമേ ഏത് വിലക്കുകളും നീക്കാന്‍ കഴിയുകയുള്ളൂ. എങ്കില്‍ മാത്രമേ മുപ്പതു ലക്ഷത്തോളം വരുന്ന ഗള്ഫ് മലയാളികള്‍ക്ക് അതിന്റെ ഗുണം ലഭിക്കുകയുള്ളൂ. മാത്രവുമല്ല രാജ്യത്തിന്റെ സാമ്പത്തിക അടിത്തറ പിടിച്ചു നിര്തുന്നവര്‍ എന്ന് പ്രവാസികളെ കുറിച്ച് വാക്കിനു നൂറു വട്ടം പറയുന്നവര്‍ ഈ വിഷയത്തിലെങ്കിലും അല്മാര്‍ത്ഥമായി പരിശ്രമിക്കുകയും അങ്ങിനെ ഗള്ഫ് മണലാരണ്യത്തില്‍ കഴിയുന്ന പ്രവാസി സമൂഹത്തോട് നൂറു ശതമാനം നീതി പുലര്‍ത്തുകയും വേണം. അപ്പോഴാണ് ഗള്ഫ് മലയാളിയും എമെര്‍ജു ചെയ്യുന്നത്.
