എഴുപത് ശീലങ്ങൾ

എഴുപത് ശീലങ്ങൾ

നളിനാക്ഷൻ ഇരട്ടപ്പുഴ 

നിശബ്ദതയുടെ നരച്ച രാത്രിയിൽ 

മഞ്ഞിൻ കണങ്ങളെ തേടി 

നടക്കുന്ന പാതിരാ പൂക്കൾക്ക് 

ഉറങ്ങാതെ കൂട്ടിരിക്കുന്നു 

പൂനിലാവ്.

പുഞ്ചിരി തൂകി 

പ്രഭാതത്തെ വരവേറ്റ് 

അരുണാഭ ശോഭ വിതറി  

ഉദയസൂര്യൻ നിറഞ്ഞു നിന്നു.
വരണ്ട ഭൂമിയുടെ  

തപിക്കുന്ന ആത്മാവിന് 

കുളിർ സ്പർശമാകുന്നു   

കാലം തെറ്റി മാത്രം 

പെയ്യുന്ന മഴ.

ദാഹ നീരിനായ് കേഴുന്ന 

ഭൂമിക്കു വേണ്ടി  

ആർത്തലച്ചു പെയ്യാനാവാതെ 

മാനം മുട്ടെ നിറഞ്ഞു 

നിൽക്കുന്ന മഴ മേഘം

ഇപ്പോഴും 

കാലം തെറ്റിയലയുന്നു.

അടുക്കും ചിട്ടയുമായി 

പോയിരുന്ന കാലങ്ങൾക്കിന്ന് 

എഴുപത് ശീലങ്ങൾ.